Shumë shpejt Sandro Tonali dhe Prokuroria do të zyrtarizojnë marrëveshjen për pranimin e fajësisë. Mesfushori do të pezullohet nga 10 deri në 12 muaj në fushë, plus të ashtuquajturat penalitete shtesë. Për këtë duhet të arrihet gjithashtu një marrëveshje me Federatën Angleze të Futbollit në lidhje me procesin e rehabilitimit. Lojtari i lindur në vitin 2000 pothuajse me siguri do të humbasë Euro 2024.
Por kujdes nga Newcastle që është gati të nisë luftën. Anglezët, siç raporton Corriere dello Sport, do të ndalojnë menjëherë t’i paguajnë mesfushorit rrogën prej 8 milionë eurosh sapo të vijë skualifikimi, por jo vetëm kaq. Në lojë thërritet edhe Milan.
Po, sepse Magpies kanë kërcënuar një padi prej miliona dollarësh kundër kuqezinjve, sapo ndalimi të bëhet konkret. Ndërsa priten të kuptohen reagimet nga Casa Milan, duket e vështirë të imagjinohet se anglezët do të mund të marrin një rimbursim nga Milan. Tonali u transferua te Newcastle pas marrëveshjes prej 70 milionë eurosh (përfshirë bonuset) verën e kaluar.
Lexo më tej: Tonali, 10-12 muaj ndalim për skandalin e basteve: vendimi, për të mos irrituar Uefa-n
Për Magpies, në fakt, është një detyrë shumë e vështirë të provojnë se drejtuesit e 19-herë kampionëve të Italisë ishin në dijeni të basteve të ish-lojtarit të Brescia. Për më tepër, burime të sigurta thonë se Milan deri më tani nuk ka pasur asnjë lajm as për synimin e supozuar të anglezëve për të ndërmarrë veprime ligjore kundër klubit në pronësi të RedBird.
Si complica il patteggiamento di Tonali: il Newcastle minaccia una causa nei confronti del Milan https://t.co/GhKDAakVAr
— TUTTOmercatoWEB (@TuttoMercatoWeb) October 25, 2023