Prapaskena e transferimit falas të Marcus Thuram: "Për Inter e dija prej dy vjetësh, Ausilio më takoi i pari"

Marcus Thuram po fiton Inter me gola të shënuar, por me siguri tashmë i kishte fituar zemrat e tifozëve në verë kur preferoi të vishej zikaltër, edhe pse dukej një hap larg Milan. “Po kaloj një moment të mirë, po përpiqem të mësoj. Kisha folur tashmë me drejtorin Ausilio dy vjet më parë, para se të dëmtohesha. Ai më shihte si sulmues qendror dhe kjo më bëri të kuptoj se Inter do të ishte zgjedhja e duhur për mua”.

Dyshja Thuram-Martinez bëri që të harrohej shpejt ajo e muajve të parë të 2023 me belgun Lukaku, në vend të francezit. Kimia me argjentinasin Toro ishte e shkëlqyer që në momentin e parë: “Lautaro është kampion, një nga sulmuesit më të mirë në botë. – komentoi ai për Sky -. Kushdo që luan përkrah tij mund të bëjë mirë”.

Lexo më tej: Inter në ankth, tërheqje muskulare për De Vrij e Dumfries: jashtë fushave për rreth 20 ditë

Francezi shënoi edhe në ndeshjen kundër Napolit, një sinjal i rëndësishëm për titullin: “Ishte një ndeshje e bukur në një stadium që nuk e njihja, por për të cilin më kishin treguar shokët e skuadrës. Për titullin nuk jemi vetëm ne dhe Juventus, por mes të gjitha skuadrave që do të bëjnë mirë. Do të shohim në fund të sezonit”.