“Peshku i kalbur për një ekip të kalbur”. Ky ishte mesazhi i ashpër që tifozët e Lorient dërguan për lojtarët e tyre. Kontestimi i tyre lidhet me paraqitjen e tmerrshme të skuadrës në Ligue 1. Vendi i parafundit në renditje dhe tetë ndeshje radhazi pa gjetur fitore. Një protestë e shprehur jo vetëm me fjalë, por edhe me një gjest të fortë simbolik. Pranë banderolës së vendosur jashtë qendrës stërvitore, ishin vendosur 400 kg merluc i prishur, kafsha simbolike e klubit francez.
PROTESTA E TIFOZËVE, PESHK I KALBUR PËR LOJTARËT
Një protestë sa unike aq edhe efektive. Sjellja e tifozëve të Lorient ka tërhequr padyshim vëmendjen e skuadrës, por jo vetëm. Siç raportohet nga Sky Sport, Merlus Ultra 1995 kanë shfaqur një pankartë me shkrimin: “I kalbur mirë, si ju”. Fjalë elokuente, ashtu si “garnitura”, me të cilën mbështetësit breton përforcuan konceptin: mbi 400 kg peshk të kalbur.
Lexo më tej: Ligue 1, tifozi i Nantes futet në fushë dhe i ndalon një gol skuadrës së tij: gëzohen lojtarët e Marseille
PERFORMANCA E DOBËT DHE SITUATA NË LIGUE 1
Një mesazh i fortë dhe i qartë, drejtuar lojtarëve. Skuadra, në fakt, po performon nën pritshmëritë. Vetëm 12 pikë në 17 javë, vendi i parafundit në renditje dhe pa fitore prej 8 ndeshjesh. Humbja e fundit, 4-0 në Brest, shteroi durimin e tifozëve, të cilët pas fjalëve, kaluan menjëherë te veprat.
🐟 Lorient taraftarları, Brest mağlubiyetinin ardından antrenman sahasına 400 kilo çürük balık bıraktı. pic.twitter.com/SFyW3Lfv1N
— gdhspor (@gdh_spor) December 22, 2023