Përgjigje e kundërpërgjigje. Pas sulmit të Zlatan Ibrahimovic ndaj disa ish-lojtarëve të Manchester United, të akuzuar nga suedezi se e kritikojnë shumë skuadrën e Solskjaer e mbi të gjithë Paul Pogba, vjen e menjëhershme replika e fortë e Ryan Giggs. “Ne kemi luajtur më shumë se 2mijë ndeshje së bashku, por me siguri që ai di më shumë…”, është shprehur ish-legjenda e Red Devils, duke u munduar ti mbyllë gojën Zlatan, duke i dhënë rëndësi ndjesisë së përkatësisë me klubin.
“Ferguson ka vendin e tij në histori por tani Manchester United duhet të shkojë përpara, duhet të gjejë identitetin e tij”, kishte sugjeruar Ibra, duke drejtuar gishtin kundër disa ish-lojtarëve të mëdhenj të Djajve si Gary Neville, Paul Scholes apo Paul Ince, që nga tv angleze shpesh janë shumë kritikë me United. “Nuk jam më në klub e nuk mund të qendroj gjithë kohën në tv duke kritikuar apo duke u ankuar – ka shtuar suedezi -. Nëse duan të punojnë për United, ta provojnë”. Batutën më të mirë gjiganti e kishte lënë për në fund: “Kur ishte Ferguson rrinin me gojë mbyllur, tani që nuk është më nisën të flasin. Por nuk e di nëse i ka autorizuar Ferguson…”.
Fjalë të rënda, që kanë goditur në shënjestër, duke provokuar reagimin e Ryan Giggs, ish-legjenda e Manchester Utd. “Vetëm Bytt është ende i lidhur me klubin, por kur ke luajtur më shumë se 2mijë ndeshje së bashku besoj se një opinion mund ta kesh – shpjegoi tekniku aktual i Uellsit -. Ndonjëherë është pozitive, ndonjëherë negative, por nuk ka asnjë efekt tek rezultatet. Jemi tifozë, ky është futbolli, mund edhe të kesh opinione të ndryshme”.