• |
ide | kryesore

Martinez sfidon parashikimet: “Franca favorite? Ne kemi Messi”

-Instant, Sport
Martinez


Në një finale parashikimet nuk vlejnë shumë. Apo të paktën i këtij mendimi është portieri i Argjentinës Emiliano Martinez, para ndeshjes me Francën. “A është Franca favorite në finalen e nesërme? Mendoj se ne kemi shumë shanse, sepse kemi lojtarin më të mirë në botë. Na pëlqen kur thonë se ka një më të mirë se ai (i referohet Mbappé), por duhet të shohim nëse është kështu. Mendoj se duke pasur një mbrojtje të mirë dhe numrin 1 të vërtetë, kemi shumë shanse për t’ia dalë”. Kështu ‘Dibu’ Martinez, ka sfiduar pritshmëritë në prag të finales botërore. Sipas ‘Dibu’, “edhe fakti që ndihemi si në shtëpi, me kaq shumë mbështetës, mund të na ndihmojë. Këtu e kemi ndjerë gjithmonë ngrohtësinë e njerëzve. Kemi pasur përshtypjen se kemi luajtur në Argjentinë. Edhe kjo na ndihmojë të kapërcejmë traumën e disfatës me Arabinë Saudite. A më emocionon të mendoj se nesër do të na mbështesë një vend i tërë? Jam tip i ftohtë zakonisht, nuk emocionohem lehtë”.

Në një mendje me Martinez është edhe Javiaer Zanetti, ish-kapiteni i Argjentinës.”Messi është duke luajtur një Botëror në nivelin e Messi, jo “maradonian”. Leo është në të njëjtin nivel me Diegon, i barabartë. Ish-kapiteni i Albiceleste Zanetti kurorëzon kështu Pleshtin, në prag të finales kundër Francës.

ARGJENTINA: KAOS ME BILETAT MES TIFOZËVE

Të paktën 40 mijë tifozë argjentinas janë në Doha për finalen e Kupës së Botës mes Albiceleste dhe Francës. Por jo të gjithë kanë bileta për të mundur të ndjekin ndeshjen. Në fakt, autoritetet vendase vlerësojnë se do të jenë të paktën tetë mijë që nuk e kanë një të tillë. E jo rastësisht dy ditë më parë policia vendase u desh të shpërndante, madje në mënyrë të vrazhdë siç raportojnë mediat argjentinase, turmën e mbështetësve Albiceleste. Ata ishin mbledhur para hotelit Jassim ku qendron pjesa më e madhe e drejtuesve të Federatës së Futbollit të Argjentinës. Tifozët, duke demonstruar me thirrje dhe pankarta, kërkonin që tu sigurohet një nga biletat e kthyera nga ata që nuk mund të marrin pjesë në finale.


2 Comments

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *