Tirana rrëmben barazimin 10 minuta nga fundi dhe i heq Partizanit mundësinë e parakalimit. Në derbin që vendoste shumë për titullin, bardheblutë, në vështirësi për shkak të skualifikimeve, ndalën 1-1 të kuqtë. Vendosi Deliu, që iu përgjigj avantazhit të brazilianit Da Silva, që iluzionoi ëndërrat e teknikut Colella. Një ndërqytetase që nuk mund ti shpëtonte polemikave. Tirana pretendoi një penallti për prekjen me dorë të Telushit, ndërsa pas avantazhit të të kuqve Rexhepi u godit nga fishekzjerret e hedhur nga tifozët bardheblu.
Me dy pikë distancë, nëse Tirana fitonte shkëputej +5 nga Partizani dhe me tre javë të mbetura do të ishte histori e mbyllur. Një fitore e të kuqve do ti bënte ta parakalonin skuadrën e Shehit tre javë nga fundi, duke bërë favoritë për triumfin final të besuarit e Colella. E në fund doli një 1-1 që mban përpara Tiranën. Bardheblutë kanë tani edhe tre beteja për tu kurorëzuar kampion për të dytën vit radhazi.
POLEMIKA E TENSION
Pa golashënuesin më të mirë të kampionatit Florent Hasani të skualifikuar, ashtu si Behiratche e Hila, Shehi i kishte zgjedhjet të limituara. Colella ndërkohë kishte rikuperuar edhe brazilianin Da Silva e Rrapaj, normalisht nga fillimi. E në një pjesë të parë agonistike, pa raste flagrante, Tirana reklamoi një penallti tre minuta nga fundi i pjesës së parë. Krosimi i Haxhiut prek krahun e Telushit, por edhe me VAR nuk ka penallti. Protesta të bardhebluve, që nuk ndryshua asgjë.
Pro parandjenë më të keqen lojtarët e Shehit, që u dënuan në minutën e 53 nga një depërtim i Da Silva. Braziliani u fut me finesë dhe mposhti Bekajn, të rikthyer mes shtyllave pas skualifikimit. Tirana nuk u shtyp dhe reagoi me krenari. Colella dhe Partizani menduan se ishte e arsyeshme të mbronin rezultatin. Deliu në të 64′, pastaj edhe Motondo që rrezikoi autogolin e Abazaj, frikësuan Rexhepin. Tirana e përmbushi misionin në të 81′, kur Deliu lëshoi një silurë nga jashtë zonës, duke barazuar rezultatin.