Një stuhi, e panumërta, godet ish-yllin e Barcelonës dhe Inter dhe presidentin aktual të federatës së futbollit të Kamerunit, Samuel Eto’o. Pas akuzave të marra në verë nga një ish-drejtues i federatës, i cili e akuzoi atë si përgjegjës për përjashtimin e Andrè Onana nga kombëtarja, orët e fundit ka mbërritur një sulm i vërtetë frontal.
Liga Profesionale e Kamerunit, një organizatë që bashkon klubet e vendit afrikan, i ka drejtuar një letër të hapur Gianni Infantino (president i FIFA-s) dhe Patrice Motsepe (president i Caf) për të kërkuar procedime kundër Samuel Eto’o. Akuza është shumë e rëndë.
ETO’O AKUZOHET PËR KORRUPSION
Klubet e Kamerunit akuzojnë presidentin federal për korrupsion dhe skandale të tjera. Tema e letrës është emblematike: “Një etikë për Afrikën dhe një etikë për Evropën?”. Referenca ka të bëjë me skualifikimin 90-ditor që iu bë Luis Rubiales (tani ish-president i Federatës Spanjolle të Futbollit) për puthjen ndaj Hermosos pas fitores e iberikëve në Kupën e Botës. Më pas në letër thuhet: “Nëse FIFA ka treguar shpejtësi dhe vendosmëri ndaj Rubiales, është e habitshme që ajo hesht për shkak të rasteve të ngjashme dhe ndoshta më të rënda që kanë ndodhur në Federata të tjera, veçanërisht në Federatën e Futbollit të Kamerunit”.
Lexo më tej: “Do tiu ngjisim në A, sill edhe gratë e tua”: ish-sulmuesi i Inter Samuel Eto’o akuzohet për trukime
Në letrën dërguar FIFA-s dhe Caf-it, klubet listojnë rastet e ndryshme në lidhje me Samuel Eto’o. Mbi të gjitha, fakti që ish-sulmuesi pranoi në qershor 2022 se kishte mashtruar thesarin publik spanjoll prej 3.8 milionë euro gjatë viteve te Barcelona. Pastaj episodi në të cilin Eto’o sulmoi një YouTuber algjerian pas ndeshjes Brazil-Kore e Jugut në Kupën e Botës 2022 në Katar. Në fund, nënshkrimi i kontratës personale të sponsorizimit të ish-futbollistit me kompaninë e basteve sportive 1XBET. Tani pritet përgjigja e organizmit më të rëndësishëm të futbollit botëror.