Me përfundimin e fazës së grupeve, dje ishte dita e shortit për kompeticionet europiane. Goglat sollën më shumë ankth sesa buzëqeshje për italianët. Sa i përket Champions, Inter do të përballet me Atletico Madrid, Napoli është shortuar me Barcelonën, ndërsa Lazio përballet me misionin e pamundur Bayern Munich. Diçka më mirë, në punë fati, ka shkuar në Europa League. Roma dhe Milan do të përballen përkatësisht me Feyenoord dhe Rennes në play-off. Por sa shanse kanë klubet italiane për të kaluar? Për t’iu përgjigjur kësaj pyetjeje është kujdesur algoritmi Euro Club Index. Rezultati nuk është premtues: vetëm 3 nga 5 skuadrat janë të destinuara të vazhdojnë rrugëtimin e tyre europian.
PARASHIKIMET E ALGORITMIT
Nisur nga kompeticioni kryesor, Champions League, përllogaritjet e këtij algoritmi kanë vërtetuar se vetëm një skuadër italiane mund të kualifikohet në çerekfinale. E ky është Inter i teknikut Simone Inzaghi. Sipas Indeksit të Euro Club, zikaltrit kanë 55% shanse për të fituar ndaj Atletico Madrid, në një ndeshje të dyfishtë që, për këtë arsye, premton të jetë shumë e ekuilibruar. Nga ana tjetër, nis i pafavorizuar Napoli, që sipas algoritmit ka 39% shanse për të fituar ndaj Barcelonës. Duket e dënuar Lazio, shanset e të cilit për të kapërcyer Bayern janë vetëm 13 nga 100.
What are the chances of reaching the #ChampionsLeague quarter-finals?
🏴Manchester City's chance of a quarter-final place is 9⃣7⃣%, 🇩🇪Bayern's is 8⃣7⃣%
🇮🇹Inter v 🇪🇸Atlético Madrid is the tightest of the eight ties
Probably 2 or 3 'surprise' teams in the last eight#UCL pic.twitter.com/Tb8AMduUAq
— Euro Club Index (@EuroClubIndex) December 18, 2023
Megjithatë, situata është e ndryshme për sa i përket Europa League. Roma dhe Milan, në fakt, kanë shanse të shkëlqyera për të vazhduar rrugën e tyre evropiane. Skuadra e Jose Mourinho ka një shans 60% ndaj rivalëve tashmë të njohur Feyenoord. Përqindja që kuqezinjtë të mundin Rennes është edhe më e lartë dhe qëndron në 76%.
Kështu, algoritmi ka folur. Por parashikimet, siç dihet, janë bërë për t’u provuar të gabuara…
To reach UCL – Quarterfinals:
🇵🇹 Porto (31%)
🏴 Arsenal (69%)🇮🇹 Napoli (39%)
🇪🇸 Barcelona (61%)🇫🇷 PSG (60%)
🇪🇸 Real Sociedad (40%)🇮🇹 Inter (55%)
🇪🇸 Atlético Madrid (45%)🇳🇱 PSV (40%)
🇩🇪 Borussia Dortmund (60%)🇮🇹 Lazio (13%)
🇩🇪 Bayern Munich (87%)🇩🇰 FC Copenhagen (3%)… https://t.co/LccVdAWnlt pic.twitter.com/g0koHRpUcr
— Football Rankings (@FootRankings) December 18, 2023