Modelja e njohur amerikane ka kurorëzuar në martesë dashurinë me partnerin e saj Justin Verlander.
Ceremonia e martesës së tyre është mbajtur në Itali, në resortin “Rosewood Castiglion Del Bosco”. Kate Upton kishte zgjedhur për ditën e veçantë një fustan të bardhë prej dantelle me vello dhe dukej me të vërtetë e mrekullueshme. Ceremonia e betimit u zhvillua në kishën mesjetare në majë të kodrës me pamje nga vreshtat e Montalcino-s dhe zgjati 30 minuta. Upton e bëri publike fejesën me yllin e beizbollit Verlander me shumë emocion në majin e kaluar në ceremoninë Met Gala, pas tre vitesh lidhjeje dhe bashkëjetesës me të në një shtëpi në Beverly Hills.
