Është aksi Milano-Roma që do të sjellë transferimet e para tek Inter i Antonio Conte, i cili mbërriti për herë të parë në Appiano Gentile pas takimit me Marotta dhe Zhang. I përfunduar dhe për t’u zyrtarizuar operacioni i parë “Dzeko”, 13.5 milionë euro për romanët dhe 4 milionë në sezon për sulmuesin boshnjak, për të vijuar me një operacion të dytë të quajtur “Kolarov”.
Në fakt, trajneri i ri i Interit do të donte një përzierje të të rinjve dhe lojtarëve me përvojë.
Sulmi për një lojtar të nivelit të lartë, linjat dhe mbrojtja në aspektin e një loje me 3 lojtarë janë prioritetet në këtë kohë. Do të duhet një tjetër element për t’u bashkuar me De Vrij, Skriniar, Godin dhe Ranocchia, duke pasur parasysh largimin e Mirandës. Pëlqehet Manolas, por me Juve është një duel i komplikuar.
Siç është bërë për Chiesa, me Fiorentinën që fërkon duart për shumën e mundshme. 70 milionë dhe 5 për lojtarin për një bashkëpunim katërvjeçar. Federico-s i takon zgjedhja zikaltër ose bardhezi pasi Enrico, babai, ka përjashtuar mundësinë për ta parë të birin në një kampionat të huaj. Inter megjithatë, në rast të humbjes në duelin për vjollcët, mund të vendosë edhe një tjetër emër, atë të Lukakut. Negociatat nuk janë të lehta nëse analizojmë kostot e kartonit dhe pagën marramendëse prej 12 milionë eurosh neto. Megjithatë, ka një lidhje me Icardi dhe një shitje që do të gjeneronte një fitim të dobishëm kapital për të tentuar belgun. Në këtë moment nuk ka shenja në këtë drejtim, por me një merkato vazhdimisht në zhvillim, asnjëherë nuk i dihet…