Presidenti turk Recep Tayip Erdogan dhe homologu i tij iranian Hasan Rouhani kanë diskutuar në telefon për sulmet e Izraelit kundër Palestinës. Siç raportojnë mediat e huaja, Erdogan ka thënë se Ankaraja zyrtare është e vendosur të qëndrojë krah Palestinës. Ai po ashtu vijoi duke theksuar se gjithë komuniteti islamik duhet të ndërmarrë veprime dhe të ndëshkojë ashpër Izraelin.
Dita e djeshme është konsideruar si më e përgjakshmja që pas rinisjes së përplasjeve mes Izraelit dhe Palestinësm një javë më parë. Numri i përgjithshëm i të vdekurve në Gaza tani qëndron në 188 njerëz, përfshirë 55 fëmijë dhe 33 gra, me 1,230 të plagosur, sipas ministrisë së shëndetit të kontrolluar nga Hamas.