Tirana mposhti Vllazninë, fiton 0-1 Klasiken dhe prek me njërën dorë titullin kampion, pas javës së 30 të Superiores. Orges Shehi mund të festojë në Shkodër, pas devijimit vendimtar në goditjen e Abazaj që fundosi kuqeblutë në Loro Boriçi. Bardheblutë shkëputen +8 nga Partizani, që duhet ende të luajë nesër me Bylis.
Tirana e kishte të qartë rëndësinë e ndeshjes në Shkodër. Të besuarit e Shehit bëni më të mirën për të mbajtur në distancë të kuqtë ndjekës, duke e ditur se kanë përpara një derbi direkt për të luajtur. Goce Sedloksi provon edhe humbjen e parë në pankinën shkodrane dhe me 42 pikë rrezikon zonën europiane. Tekniku maqedonas kishte fituar në debutim me Erzenin e më pas barazuar me Kukësin. Tani situata është e ndërlikuar, sepse pas shpinës së shkodranëve dihat Laçi 2 pikë larg. E nuk duhen harruar edhe Erzeni e Teuta me 38 pikë.
Vllaznia ka rezerva për dy momente në të cilën pretenduan penallti. Pengimi i Cobës, i lëshuar në zonë, nga ndërhyrja e Përgjonit nuk u sinjalizua penallti. Protestat e kuqebluve ishin të kota, ashtu si në minutën e 72’ kur në krosimin e Gurishtës u pretendua një prekje me dorë nga Hila.
Lexo më tej: Video/ Egnatia me 10 lojtarë, Laçi nuk fiton dot: nuk mjafton Guindo për Nicën, Tetova mbron Europën
Në një ndeshje ku ka dominuar më shumë dëshira për të mos rrezikuar, bardhebluve u mjaftoi goli i Abazajt. Sulmuesi shënoi golin e tretë me fanellën bardheblu, pas dygolëshit me Egnatian, në fundin e pjesës së parë. Vendimtar devijimi i Gurishtës, që befasoi Zogovic. Vllaznia prodhoi lojë në pjesën e dytë, por goditjet në portën e Bekaj ishin shumë pak, për të vënë në vështirësi kryeqytetasit. Tirana del nga Shkodra me tre pikë dhe bindjen se janë fare pranë rikonfirmimit kampionë.