Nga lista me 40 profile e De Laurentiis, duket se ka dalë emri përfundimtar. Drejtuesi teknik i Napolit do të jetë Christophe Galtier, trajneri që drejtoi PSG sezonin e kaluar. Klubi e ka informuar tashmë francezin se nuk dëshiron të vërë më bast mbi të, pavarësisht vetëm një viti qendrimi në klubin e Al-Khelaïfi. Parisienët kanë zgjedhur tashmë Nagelsmann si trajnerin e tyre të ri. Tani, Napoli pret që Galtier të ndërpresë kontratën me Paris Saint-Germain. E vetëm pas kësaj, ish-Lille do të mbyllë negociatat me përcaktimin e kontratës së re.
Nga Franca e japin marrëveshjen si të mbyllur. L’Equipe i kushton çështjes të gjithë kopertinën, duke konfirmuar se Galtier shkon të drejtojë rrëzë vullkanit. E përditshmja prestigjoze kishte supozuar edhe më parë se trajneri i ardhshëm i Napolit do të ishte me kombësi franceze. De Laurentiis, falë përfitimeve të Dekretit të Rritjes, mund të kalojë pagën prej rreth 2.7 milionë euro që merrte Spalletti.
Lexo më tej: “Adieu Messi”, Galtier konfirmon largimin: “Me Clermont ndeshja e fundit e tij me Psg”
Në fakt, shkruan Gazzetta dello Sport, Napoli do t’i ofrojë Galtier një kontratë dyvjeçare me vlerë rreth 4 milionë neto. Për tashmë ish-teknikun e PSG do të ketë opsion edhe për një viti të tretë, e njëjta formulë e përdorur me Spalletti. Francezi ka qenë në shënjestër të AdL edhe në vitin 2021, pas triumfit të Galtier në Ligue 1 në krye të Lille. Pas largimit të Spalletti, që mori një vit pushim, Napoli kërkon një ekspert të aftë të drejtojë një grup të shpallur tashmë kampion. Pasi Luis Enrique preferoi Premier League dhe Nagelsmann kaloi në Paris, AdL iu drejtua opsionit të tretë. Galier ka fituar tashmë dy tituj kampion dhe do të donte të provohej në një kampionat të ri.
(🌕) Christophe Galtier in pole to take the Napoli job! @DiMarzio 🇫🇷🚨
— PSGhub (@PSGhub) June 13, 2023