Ka kaluar ca kohë, por për Richarlison ka një episod që nuk mund të fshihet. Nuk ishte sezoni zhgënjyes që pati me Tottenham që e pengoi të flinte, por debati që pati me ish-trajnerin Antonio Conte. Braziliani zbuloi një prapaskenë që e pa të ishte protagonisti fatkeq i zemërimit të ish-trajnerit të Inter. E dihet që me Antonion nuk bëhet shaka.
Ishte afërisht mesi i sezonit dhe Spurs ishin në telashe. Për më tepër kishte ardhur edhe eliminimi ndaj Milan në 1/8 e Champions League. Shpirtrat ishin të trazuar dhe morali i lojtarëve ishte shumë i ulët. Sulmuesi brazilian e la veten në një shpërthim publik ku foli për një “sezon m*ti”, për shkak të dëmtimeve që kishin ndikuar në performancën e tij. Deklarata që nuk kaluan pa u vënë re nga Antonio Conte dhe ndihmësi Stellini që e përballën ashpërsisht. Një episod që shënjoi thellë brazilianin dhe e bëri të kuptonte se kush komandonte vërtetë te Tottenham.
Lexo më tej: Video/ Richarlison i vërsulet Conte në transmetim direkt pas eliminimit të Tottenham: “Një sezon m*ti”
DY ORË QORTIME
Duke folur në episodin e podcast-it Que Papinho, Richarlison rrëfeu reagimin e Antonio Conte dhe zëvendësit të tij Stellini një ditë pas deklaratave të tij në shtyp: “Pati një takim me ekipin dhe ai më qortoi për dy orë para të gjithëve. Bëra një gabim duke thënë se doja të luaja më shumë. I kërkova falje dhe i thashë se mund të më ndëshkonte. Ai më tha se ishte shefi dhe kjo ishte mënyra e tij për ta treguar këtë”. Dy orë makth për brazilian, që ende e kujton.