Reagon Uefa: "Vendimi nuk implikon aprovimin e Super League"

Një orë pas vendimit të Gjykatës Evropiane të Drejtësisë në lidhje me ankimimin e fituar nga Super League, mbërrin edhe shënimi zyrtar nga UEFA: “E kemi parasysh, por vendimi nuk nënkupton miratimin apo vërtetimin e të ashtuquajturit. ‘Super League’. Më tepër thekson një mangësi historike në kuadrin e para-autorizimit të UEFA-s, një aspekt teknik i cili tashmë është njohur dhe trajtuar në qershor 2022. UEFA është e sigurt në qëndrueshmërinë e rregullave të saj të reja.”

Praktikisht, organi më i lartë europian i futbollit i bën jehonë fjalëve të Javier Tebas, numrit një të La Liga. Ai e kishte komentuar vendimin si më poshtë: “Gjykata e Drejtësisë deklaroi se rregullat për pranimin në garat e UEFA-s dhe FIFA-s duhet të jenë transparente. E jo se duhet të pranojnë domosdoshmërisht Super League. Që në vitin 2022, UEFA kishte vendosur një procedurë për autorizimin e garave të reja në të cilat mund të bashkohet Super League”.

Deklarata e UEFA-s vazhdon: “UEFA mbetet e vendosur në angazhimin e saj për të mbështetur piramidën evropiane të futbollit. Duke siguruar që ajo të vazhdojë t’i shërbejë interesave më të gjera të shoqërisë. Ne do të vazhdojmë të formësojmë modelin sportiv europian kolektivisht me Federatat kombëtare, ligat, klubet, tifozët, lojtarët, trajnerët, institucione evropiane, qeveri dhe partnerë. Ne besojmë se piramida evropiane e futbollit e bazuar në solidaritet, të cilën tifozët dhe të gjithë aktorët e kanë shpallur si model të pazëvendësueshëm, do të ruhet nga kërcënimi i evazionit në ligjet evropiane dhe kombëtare”.