Sytë ende shkëlqejnë kur përmendet Faustino Asprilla në Parma: lider i verdhebluve që me të në fushë fituan 1 Kupë Italie, 1 Kupë Kupash, 2 Kupa UEFA (tani Europa League) dhe 1 Superkupë të Europës. Por çfarë ndodhi më pas me ish-sulmuesin kolumbian? Sot ai është një sipërmarrës i njohur i suksesshëm, por ai dëshiron të tregojë se janë të tjerët ata që punojnë.
ASPRILLA, ‘MBRETI’ I KONDOMËVE E SHEQERIT
Ish-sulmuesi i Parma dhe Newcastle trashëgoi kompaninë nga babai i tij dhe prodhon kallam sheqeri për qeverinë kolumbiane. Ai ka gjithashtu një kompani prezervativësh të quajtur Tino Condones, të cilin ai vetë e rekomandon me shije guava. Por edhe pse i ka varur këpucët e futbollit për të veshur mokasina, Asprilla nuk heq dorë nga jeta e bukur: “Dita ime e zakonshme përfshin zgjimin në mesditë – tha ai për Gazzetta dello Sport në një intervistë -. Mëngjesi i bollshëm me bazë frutash. Gjumi i pasdites. Dush, darkë e ahengje deri në gdhirë. Kur punoj? Kam shumë punonjës, kujdesen ata për të punë. Unë drejtoj. E ndonjëherë luaj akoma futboll: kam një ekip, këtu në Tulua”. Asprilla ka folur edhe për krahasimin e tij me Osimhen.
Një tjetër nga pasionet e Tino Asprilla janë femrat: “Seksi ka qenë gjithmonë i rëndësishëm për mua. Femrat më kanë pëlqyer gjithmonë dhe shumë. Një herë kam pozuar lakuriq për një revistë italiane dhe Cavalier Tanzi, i cili më donte shumë por shkonte në meshë çdo të dielën, u inatos shumë. Fakti është se përballë një gruaje të bukur nuk mund të rezistoj: duhet ta josh. Në fakt, pas divorcit nga Catalina, nuk u martova më. Shumë lidhje, por asnjë e përhershme”.