Cristiano Ronaldo përfundon shpesh në çdo lloj bisede kur bëhet fjalë për futbollin, ose për ta lavdëruar atë, ose për të folur keq për të. Por këtë herë, ngacmimi që vjen nga Franca është i cuditshëm. Mourad Boudjellal, botues dhe ish-pronar i klubit të rugby të Toulone, kohët e fundit është bërë president i Hyeres, një klub francez që luan në National 2, kampionat që korrespondon me Kategorinë D. Pasi i bëri kuqezinjtë e topit oval të mëdhenj, Boudjellal ka ndërmend të bëjë hapin e rëndësishëm edhe në futboll dhe për këtë arsye ka sjellë në shoqëri një legjendë të vërtetë, për të mirë ose për të keq, të francezëve: Nicolas Anelka. Mjafton edhe kjo për të kuptuar se gjashtëdhjetë vjeçari është një tip i veçantë, por deklaratat e tij për RMC Sport e bënë edhe më të famshëm se sa është. Edhe sepse në mes përfshihet Cristiano Ronaldo.
Duke folur për ardhjen e Anelka, Boudjellal përmendi gjithashtu CR7 për të shpjeguar se si National 2 është një turne që nuk ofron zbritje… “Duhet shumë përulësi për t’u përfshirë në botën e amatorëve, veçanërisht nëse emri yt është Nicolas Anelka. Megjithatë, ai pranoi me shumë kënaqësi. Duhet të na sjellë mënyrën e tij të të shikuarit të futbollit, do ti duhet ta transmetojë atë tek ne dhe do të jetë një sfidë e madhe për të. National 2 është një turne atipik, duhen lojtarë të kategorisë që e dinë se ku po i vendosin këmbët. Jam i sigurt se nëse e vendosim Cristiano Ronaldon në këtë kategori, ai do të përfundonte në spital për gjysmë ore”. Me pak fjalë, një provokim i pastër për portugezin, ndoshta një mënyrë për ta ftuar atë në mesin e amatorëve…