Video/ Katastrofë në Poloni: mes gafave, Shqipëria humb 4-1 ndeshjen dhe katër titullarë

Disfatë totale, të dënuar nga gabimet e asaj që trumpetonim si pikën më të fortë: mbrojtjen. Polonia shpartallon 4-1 Shqipërinë në Varshavë, duke shfrytëzuar armën e saj kryesore: Lewandowskin, vendimtar e lider i skuadrës së Paolo Sousas. Për Edoardo Rejan një situatë e komplikuar, sepse përvec pokerit të polakëve ka humbur katër lojtarë titullarë të skualifikuar, për ndeshjen e ardhshme me Hungarinë në Elbasan Arena.

Polonia vazhdon të mbetet e pathyer në fushën e saj, duke rifituar kreditet e saj në Grupin I eleminator e duke nxjerrë në pah të gjithë limitet e kombëtares kuqezi. Reja kishte vendosur të gjithë ‘të zakonshmit’, pa asnjë surprizë, por u tradhëtua nga Hysaj kaotik, Kumbulla i brishtë e Bare jashtë xhirove. E megjithatë, në lojë ka patur një ekuilibër, që polakët e thyen vetëm me eficenën para portës: katër goditje në portë e katër realizime. Manaj harroi Glick në zhvillimet e një goditje dënimi në asistin për Lewandowskin (12′), Ismajli harroi Buksa në mes të zonës për golin e dytë të Polonisë (43′), Bare e Kumbulla katastrofikë në golin e tretë të Krychowiak (54′), ndërsa i katërti i Linetty (89′) ishte rrjedhojë e një ndeshje të cuar dëm.

Shqipëria bëri mirë përpara, aktive, krijuese me një Cikalleshi të transformuar në lider, jo vetëm për super golin e shënuar në minutën e 25, por edhe për displnibilitetin taktik të demostruar. Qarkullim topi e guxim, shumë më tepër se ndeshjet e tjera, por ndoshta kjo vendosi edhe për disfatën e thellë e për limitet që ka skuadra. Tani objektivi është komplikuar keq e për më tepër, pas 3 ditësh, vjen Hungaria dhe Reja duhet të bëjë pa katër titullarë, Manaj, Hysaj, Abrashi e Bare, të skualifikuar.

WORLD CUP – UEFA QUALIFICATION: 1ST ROUND: GROUP B
Georgia 0 – 1 Kosovo
Sweden 2 – 1 Spain
WORLD CUP – UEFA QUALIFICATION: 1ST ROUND: GROUP C
Italy 1 – 1 Bulgaria
Lithuania 1 – 4 Northern Ireland
WORLD CUP – UEFA QUALIFICATION: 1ST ROUND: GROUP E
Czech Republic 1 – 0 Belarus
Estonia 2 – 5 Belgium
WORLD CUP – UEFA QUALIFICATION: 1ST ROUND: GROUP I
Andorra 2 – 0 San Marino
Hungary 0 – 4 England
Poland 4 – 1 Albania
WORLD CUP – UEFA QUALIFICATION: 1ST ROUND: GROUP J
Iceland 0 – 2 Romania
Liechtenstein 0 – 2 Germany
North Macedonia 0 – 0 Armenia