Holandë-Argjentinë ishte një ndeshje e tensionuar: gjatë 90 minutave të rregullta, gjatë goditjes së penalltive por edhe më pas. Pati sher në fushë, me vështirësi të kontrolluara nga Lahoz. Kapiteni i Albiceleste, Lionel Messi tregoi shenja nervozizmi e arrogance. Numri 10 ishte shumë i ashpër me fjalët ndaj arbitrit dhe teknikut Van Gaal. Por sipas raportimeve të fundit, ka qenë ofendues ndaj Weghorst, autorit të dygolëshit holandez. “Çfarë ke që shikon? Ik andej, budalla”, i ka thënë Leo përpara se të intervistohej nga TycSports. Gazetarët argjentinas kanë raportuar se shënjestra ishte vetë Weghorst.
Ndër më nervozët edhe Denzel Dumfries, i cili mori një karton të dyfishtë të verdhë nga Lahoz, në fund të ndeshjes. Në të 129′ sipas raportit, që do të thotë pas goditjeve të penalltisë. Nuk është rastësi që, pas penalltisë vendimtare të shënuar nga Lautaro Martinez, lojtarët argjentinas në rrethin e mesfushës u bërtasin diçka kundërshtarëve të tyre përpara se të vrapojnë për të festuar. Një tallje që nuk i nderon aspak argjentinasit, ashtu si ofendimet ndaj kundërshtarit, një kampioni si Messi.
Otamendi, i njohur për gjeste të tilla, ka dashur të justifikojë gjestin kështu: “Festova përballë kundërshtarëve sepse njëri prej tyre vinte të provokonte lojtarët tanë në çdo penallti”.
qesh sepse e dine te gjithe qe ndeshjet fiksohen e trukohen
e di kete edhe mesi edhe hollandezi