• |
ide | kryesore

Messi nervoz, sherr me Van Gaal në fund të ndeshjes e akuza për Lahoz: “E patë të gjithë ç’bëri”

-Instant, Sport
Lahoz


Lionel Messi rrëmbeu fitoren me penallti ndaj Holandës dhe kualifikimin në gjysmëfinale të Kupës së Botës 2022. E megjithatë Pleshti është i tërbuar me arbitrimin dhe gjatë intervistës pas ndeshjes shpërthen në deklarata të diskutueshme. Kampioni argjentinas u ankua para gazetarëve për arbitrimin e Mateu Lahoz, duke sulmuar ashpër arbitrin spanjoll: “Nuk dua të flas për arbitrin sepse nuk mund të jem i sinqertë. Nëse flas më sanksionojnë… – tha kapiteni i Albiceleste -. E keni parë të gjithë. FIFA duhet të mendojë për këtë. Nuk mund të dërgojë një arbitër të tillë për këto ndeshje. Nuk mund të vendosin një arbitër që nuk është në lartësinë e detyrës”.

Lahoz ka tundur 14 kartonëve të verdhë mes kohës së rregullt dhe shtesë, plus dy të tjerë gjatë goditjeve të penalltive. Në fletoren e tij përfunduan 7 lojtarë argjentinas, përveç Walter Samuel dhe Lionel Scaloni.

Lexo më tej:Video/ Holanda rikuperon dy gola në fund, por humbet me penallti: në gjysmëfinale shkon Argjentina

FJALË TË RËNDA EDHE PËR VAN GAAL: “BËN VETËM TOPA TË GJATË”

Pleshti gjithashtu tha fjalë të rënda kundër Louis Van Gaal. Në fund të ndeshjes, të dy patën një debat kokë më kokë, me argjentinasin që u largua nga pankina holandeze nga Edgar Davids. Më pas, gjatë intervistës, ai sulmoi trajnerin: “Thotë se luan futboll të mirë. Por në fund ajo që bëri ishte futja e lojtarëve shtatlartë dhe loja me topa të gjatë”.


1 Comment

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *