Curva Sud e Milan po përgatitet për rikthimin e Gigio Donnarumma, që do të rikthehet në San Siro për herë të parë si kundërshtar i kuqezinjve, në ndeshjen e dytë të Champions League kundër PSG të martën e ardhshme. Pas thirrjeve dhe ofendimeve në Parc des Princes, ultrasit e Jugut etiketuan portierin italian në një histori të publikuar në Instagram ku shfaqin dy paleta kutish misterioze. Foto shoqërohet me shkrimin “Ka një pako për ty” dhe gjithashtu tre zemra “të dyshimta”… Ende nuk dihet se çfarë mund të ketë në ato kuti, por nuk ka gjasa që të jenë bilbila siç kanë hipotezuar disa pas asaj që ndodhi në Inter-Roma.
Edhe gjatë ndeshjeve që kombëtarja luajti në Milano në muajt e fundit Donnarumma ishte bombarduar me fishkëllima pavarësisht se kishte veshur fanellën e kaltër. Por ndeshja e javës së ardhshme do të jetë ndeshja e tij e parë si kundërshtar i Milan dhe klima premton të jetë përvëluese. Përgatitjet janë duke u zhvilluar nga Curva Sud dhe Gigio është i paralajmëruar.
Lexo më tej: “Donnarumma bir kur*e”: kore fyese nga tifozët kuqezi në Paris, e pas dy javësh e pret San Siro
Kështu, për sfidën e vlefshme për raundin e katërt të grupit F, është shumë e qartë se tifozët e Djallit po përgatisin një mikpritje ad hoc për ish-portierin e tyre.
