Ishte një Krishtlindje e tmerrshme për Adrian Mutu. Ish-lojtari i Fiorentinës në fakt u shkarkua nga Neftci Baku teksa ishte në funeralin e nënës së tij. E pasuar kjo me një komunikatë të turpshme nga klubi azer. Një situatë që e bëri Mutu të kalonte një Krishtlindje për tu harruar. Ish-sulmuesi i Fiorentina e Parma i kaloi festat në zi, për shkak të ndarjes nga jeta të së ëmës. Tekniku i Neftci fluturoi në Rumani për funeralin e saj.
Megjithatë, klubi për të cilin ai punonte, Neftci Baku në Azeirbajxhan, vendosi ta shkarkonte rumunin. Dhe e bëri këtë në momentin më të keq të mundshëm: ndërsa Mutu ishte në funeralin e nënës së tij, në ditën e Krishtlindjes.
KOMUNIKATA E KLUBIT
Neftci Baku postoi një deklaratë zyrtare në lidhje me shkarkimin e ish-lojtarit të Fiorentinës që është në kufi me të pabesueshmen.
Klubi shkruan: “Sot është ndërprerë kontrata në mes të PFK “Neftchi” dhe Adrian Mutu me marrëveshje reciproke. “Neftchi” PFK falënderon Adrian Mutu për bashkëpunimin dhe punën e tij dhe i uron suksese në aktivitetet e tij të ardhshme. Njëkohësisht, klubi i shpreh ngushëllimet më të thella Adrian Mutu për vdekjen e nënës së tij. PFK “Neftchi”, që aktualisht po lufton për rezultate të larta në Premier League dhe Kupën e Azerbajxhanit, fton të gjithë tifozët e saj që të mbështesin dhe të bashkohen ngushtë rreth ekipit”.
Bu gün “Neftçi” PFK ilə Adrian Mutu arasında müqaviləyə qarşılıqlı razılaşma əsasında xitam verildi.https://t.co/5uX51oW3Yh pic.twitter.com/AF37Rutfia
— Neftçi PFK (@PFC_Neftchi) December 24, 2023
Mutu do të përpiqet të ngushëllohet me një bonus të madh për prishjen e kontratës, por shija e hidhur mbetet në gojë. Mbi të gjitha për shkak të kohës dhe mënyrave se si u menaxhua kjo situatë.