Rita Ora mbylli mbrëmjen e kaluar festimet e 3 vjetorit të mandatit të kryebashkiakut Veliaj në krye të Tiranës.
Ndër të tjera, Rita ndezi sheshin duke miksuar bashkëpunimin “Black Widow” e Iggy Azaleas me vallen e Rugovës.
Ama, ditën e sotme, e ftuar te Rudina, Gjyste Vulaj na ka habitur me deklaratën e saj.“Tani për koncertin e Rita Orës s’dua të flas sepse ajo ka përdorur një insert të muzikës së Sokolit pa pyetur, por unë i uroj suksese. Është “vallja e Rugovës”. Atë version e ka bërë Sokoli para shumë-shumë vitesh, diku 15-16 vjet më parë. Si kolegë që jemi duhet të kishte pyetur, por gjithsesi Rita Ora na ka zbardh fytyrën. Megjithëse u pendova që e thashë se…”, – u shpreh Gjystja.