Përralla e Marokut vazhdon të jetohet në Kupën e Botës 2022. Pasi eliminuan Spanjën në fazën e 1/8, djemtë e Regraguit nxjerrin jashtë edhe Portugalinë në çerekfinale. Maroku e sheh veten tani në një gjysmëfinale historike të një Botërori. Në stadiumin Al Thumama përfundoi 1-0 për afrikano-veriorët në fund të një ndeshje të tensionuar dhe të luftuar fort. Në pjesën e parë En-Nesyri (42′) zhbllokoi ndeshjen duke përfituar nga një dalje e gabuar e Diogo Costa. Reagimi portugez u përplas në traversën e Bruno Fernandes. Në pjesën e dytë, CR7 & Co. rritën xhirot dhe shtynë përpara, por bunkeri maroken i reziston rrethimit. Cheddira u përjashtua me dy të verdha në kohën shtesë, por pa pasoja për Marokun. Në gjysmëfinale, afrikanët do të përballen me fituesin e Angli-Francë.
E bujshme ajo që ndodhi edhe në cerekfinalen e tretë të Katar 2022. Maroku mposhti 1-0 Portugalinë favorite, duke u kualifikuar në gjysëmfinale. Vendimtar goli i shënuar nga En-Nesyri në fundin e pjesës së parë. Sulmuesi shfrytëzoi një dalje të gabuar të Diogo Costa duke shënuar avantazhin. Gonçalo Ramos nuk ka asnjë gjurmë në ndeshje dhe në pjesën e dytë Fernando Santos ktheu sytë nga Cancelo e Ronaldo. Maroku u konfirmua një skuadër solide e rezitoi deri në fund. Jo më kot e kanë mbajtur portën të paprekur në shtatë nga tetë ndeshjet e tyre të fundit. Ronaldo tentoi në minutat e fundit me një të djathtë diagonale, që Bono e bllokoi në dy kohë. Në fund edhe Pepe provoi me kokë, pa gjetur kuadratin.
MAROKU ËNDËRRON FINALEN
Maroku është skuadra e parë afrikane që kualifikohet për në gjysëmfinale të një Botërori. Portugalia ka humbur kundër një skuadre afrikane vetëm për herë të dytë në një Botëror. Deri tani luzitanët kishin 4 fitore e një humbje. Edhe atë në 1986, gjithnjë kundër Marokut, në përballjen e tyre të parë. Përpara Marokut në 2022, hera e fundit që një skuadër kishte pësuar vetëm një gol pas 5 ndeshjeve në një edicion të Botërorit ka qenë në 2006 (Portugalia e Italia).
beni analizen e ndeshjeve te trukuara kara analiste dhe ishfutbolliste